15.06.2009 19:40 | Гимн

Кады  зарæг 

Музыка – Феликса Алборова, текст – Тотрадза Кокайты. 
Утвержден сессией Верховного Совета Республики Южная Осетия 5 мая 1995 года.

Уарзон Ирыстон! Дæ номы кадæн

Лæууæм цырагъау мах уырдыг,

Ды дæ нæ уарзты æнусон авдæн,

Ды нæ цин æмæ хъыг!

Фæхæрæм мах дæ зæххæй ард,

Дæ ном дын исам бæрзонд,

Удуæлдай дын кæнæм лæггад,

Дæуæн у нæ цард нывонд!

Уæ, Стыр Хицау! Дæ хорзæх, Дæ арфæ –

Иры Уæзæгæн Ды цардамонд радт!

 

Уæззау уыд дæ ивгъд, Иры Бæстæ –

Зылди дæ фæдыл сау фыдох,

Фæлæ-иу уæддæр дæ фарны рæстæй

Кодтой дæ зынтæ рох.

Царды рухсмæ æдзух цыдтæ,

Фыдбонты нæ саст дæ ныфс

Сæрбæрзонд алкæддæр уыдтæ,

Æргомæй размæ цæуыс!

Уæ, Уастырджы! Дæ хорзæх, Дæ арфæ –

Иры дзыллæйæн фæнддагамонд радт!

 

Фыдæлты æрдхæрæн, Иры Уæзæг!

Зæрдæйы тæсгæй дæ нывæст,

Ацы дунейы нын масты уæзæй

Ма у дих æмæ уæрст,

Дугой дугмæ нæрæд дæ ном,

Бæрзонддæр кæнæд дæ кад,

Дæ ныфсæй мах цæрæм æнгом,

Дæ фæрцы рухс у нæ цард!

Уæ, Бæсты Фарн! Дæ хорзæх, Дæ арфæ –

Нæ уарзон Ирæн Ды иу амонд радт!

Ном æмæ йын кад!

Государственный гимн РЮО "Кады зараег" (нотная запись)
Главная | Контакты
© Посольство республики Южная Осетия, Москва, 2009